Presidenti i Napolit, Aurelio De Laurentiis zbulon se Barcelona nuk kishte para për Kalidou Koulibaly, por ‘nuk mund të thoshte jo’ kur Chelsea bëri ofertën e tyre.

Mbrojtësi kishte edhe një vit të mbetur në kontratën e tij dhe nuk ishte në gjendje të negocionte një zgjatje, veçanërisht pasi në fillim iu propozua vetëm një ulje masive e pagës.

“E lashë Koulibaly të shkojë sepse ai më kërkoi”, tha De Laurentiis për Radio Kiss Kiss Napoli.

“Barcelona kishte hyrë, por ata nuk kishin para sepse janë në borxhe. Pastaj Chelsea doli përpara dhe ne nuk mund t’i thonim jo dikujt si Koulibaly, pavarësisht se unë u përpoqa në çdo mënyrë për ta mbajtur atë, duke ofruar 6 milionë euro neto për sezon. Por nëse një lojtar dëshiron një eksperiencë të re në një klub prestigjioz, në ligën më të madhe në botë, duhet të njohësh atë që ai të ka dhënë dhe të mos ngresh mure”, u shpreh ai.

/Gazeta Express/