Presidenti i Barcelonës, Josep Maria Bartomeu, beson se Lionel Messi është shumë i lumtur në klubin nga La Liga, duke e lavdëruar atë për ndryshimin e bërë pasi e ka marrë shiritin e kapitenit.
Messi, 31-vjeçar, u emërua kapiten i Barcelonës në gusht, menjëherë pasi Andres Iniesta u largua nga “Camp Nou”, transmeton Gazeta Express.
Bartomeu ka thënë se e ka parë një ndryshim te përfaqësuesi argjentinas, duke e lartësuar sulmuesin për udhëheqësinë e tij.
“Messi është shumë i lumtur këtu. Ai është i kënaqur dhe entuziazmuar për të vazhduar triumfin me Barcelonën”, tha ai për Onda Cero.
“Messi ka bërë një ndryshim, ai ka vendosur ta marrë shiritin e kapitenit dhe të marrë përgjegjësinë e ekipit”, shtoi ai. /Gazeta Express/
