Presidenti i Barcelonës, Josep Maria Bartomeu, është në kontakt me agjentit e sulmuesit të Atletico Madridit, Antoine Griezmannit, midis spekulimeve se francezi do t’i bashkohet kampionit spanjoll.
Bartomeu ka thënë për radion RAC!: “Jemi duke e analizuar sezonin dhe do të shohim se çfarë do të bëjmë me prurjet dhe largimet”, transmeton Gazeta Express.
Ai ka treguar se ka folur me agjentin e Griezmannit vitin e kaluar dhe se këtë të fundit e ka takuar disa herë rastësisht.
“E kam takuar rastësisht kohë pas kohe në Ishujt Balearikë. Nuk kam folur me të këtë vit por vitin e kaluar fola me agjentin e tij, në tetor më saktësisht”, tregoi ai.
Megjithatë, ai thotë se me presidentin e Atletico Madridit, Enrique Cerezo, nuk ka folur për çështjen Grizemann.
“Me Cerezon kam folur për shumë gjëra, por jo edhe për këtë”, shtoi ai. /Express/