Administratorja e Agjencisë Amerikane për Zhvillim Ndërkombëtar (USAID), Samantha Power, ka thënë se Shtetet e Bashkuara të Amerikës, deri më tani kanë dhënë për Kosovën mbi dy miliardë euro.

Power në një konferencë së bashku me presidenten Vjosa Osmani, tha se Kosova ka hedhur hapa gjigantë gjatë këtyre 24 viteve, raporton Klankosova.tv.

“Që nga viti 1999 ka arritur shumën e mbi dy miliardë euro dhe do ta ndihmojmë Kosovën që të zë vendin e vet që i takon në mesin e vendeve të integruara euroatlantike”, u shpreh Power.

“Ky vend i ri ka hedhur hapa gjigantë gjatë 24 viteve, prej vitit 99’, dje e pata rastin të kthehem. Miqësia me Shtetet e Bashkuara të Amerikës është e thellë, dhe ne administrata e Biden e vlerësojmë”.