Të martën në Gumnishtë të Gjilanit është arrestuar një person për armëmbajtje pa leje.
“Njësiti i hetimeve të Stacionit Policor Gjilan me datën 10.10.2023 përmes rrugëve operative ka pranuar informacion se i dyshuari R.H. (viti i lindjes 1958, mashkull kosovar shqiptar) nga fshati Gumnishtë komuna e Gjilanit se posedon armë pa leje”, thuhet në komunikatën e Policisë së Kosovës.
“Zyrtarët policorë menjëherë janë vënë në veprim duke lokalizuar dhe arrestuar të dyshuarin, tek i cili gjatë kontrollit janë gjetur dhe konfiskuar si dëshmi për gjykatën: një (1) armë e llojit AK 47 me dy karikatorë të zbrazët, pesëmbëdhjetë (15) fishekë të kalibrit 7.62 mm, një (1) pushkë gjuetie e llojit Magnum me shtatë (7) fishekë të kalibrit 12 mm dhe një (1) thikë bajonetë”.
I dyshuari është ndaluar për dy ditë, ndërkaq ndaj tij do të ngrihet kallëzim penal.
“Në lidhje me rastin është njoftuar prokurori i shteti i cili ndaj të dyshuarit ka lëshuar masën e ndalimit për 48 orë dhe ndaj tij do të ngrihet kallëzim penal për veprën penale ‘’ Mbajtja ne pronësi, kontroll ose posedim te paautorizuar te armeve”.
