Një person është gjetur pa shenja jete dje në Lipjan.
Rastin e ka konfirmuar Policia e Kosovës përmes raportit 24-orësh.
Në njoftim bëhet e ditur se në vendin e ngjarjes kanë dalë njësitet policore si dhe ekipi mjekësor i cili ka konstatuar vdekjen e personit.
Në lidhje me rastin është njoftuar edhe prokurori i shtetit, i cili ka dhënë urdhër që trupi i pajetë të dërgohet në Institutin e Mjekësisë Ligjore për obduksion.
Raporti plotë nga Policia:
Lipjan 22.10.2020 – NN. Raportohet se viktima m/k është gjetur pa shenja jete. Në vendin e ngjarjes kanë dalë njësitë relevante policore si dhe ekipi mjekësor i cili ka konstatuar se viktima ka ndërruar jetë. Në lidhje me rastin është konsultuar prokurori i shtetit me urdhër të së cilit trupi i pajetë dërgohet në IML për obduksion.