Policia Anti-terror e Francës ka arrestuar sot gjashtë persona në qytetet Strasburg dhe Marsejë, burimet e sigurinë kanë thënë për AFP-në.
Katër burra u arrestuan në lindje të Strasburgut gjatë natës së shtune dhe të dielën, ndërsa dy të tjerët u arrestuan në jug të Marsejës po natën e njëjtë, transmeton Express.
“Informatat serioze e kanë bërë të nevojshëm arrestimin e tyre,” një burim i ka thënë AFP-së.
Franca mbetet nën gjendje emergjente një vit pas sulmeve terroriste në Paris nga ISIS-i./Express/
