Policia e Kosovës është duke vazhduar procesin e mbajtës së testit me shkrim për konkursin e hapur për zyrtarë policorë, ku Policia e Kosovës ka pranuar 11841 aplikacione dhe testimi është duke u bërë për aplikantët të cilët i kanë plotësuar kriteret e konkursit publik.

Lidhur më përgatitjen e testit me shkrim policia ka bashkëpunuar me ekspert të jashtëm (profesorë të matematikës dhe gjuhës shqipe), me qëllim që testi të jetë i kualitetit të lartë dhe sipas praktikave më të mira, ndërsa pyetjet e njohurive të përgjithshme janë hartuar nga grupi brenda PK-së.

Testimi me shkrim i cili do të zgjasë deri më 28.02.2022 është jetë i hapur dhe transparent dhe po mbahet duke respektuar masat e përcaktuara për menaxhim me pandeminë.

Policia e Kosovës të gjitha kandidatëve që kanë aplikuar në konkursin për zyrtarë policorë ju dëshiron suksese në testin me shkrim.