Pogba ia hap dyert transferimit në PSG

PUBLIKUAR

Paul Pogba pritet të largohet nga Manchester United në fund të këtij sezoni.

Futbollisti francez po i kalon muajt e fundit të kontratës me “Djajtë e Kuq” dhe duket se nuk e ka ndërmend ta vazhdojë atë.

E i pyetur nëse një ditë do të donte t’i bashkohet Paris Saint-Germainit, ylli francez nuk e mohoi një gjë të tillë.

Madje, dha shenja se një gjë e tillë mund të ndodhë në një të ardhme të afërt.

“Pse jo? Është gjithmonë ndjenjë e mirë kur luan me bashkëlojtarët e tu në ekipin kombëtar dhe në klub”, deklaroi kampioni i botës me Francën për “Le Figaro”, përcjell “Gazeta Express”.

Ndër të tjera, ai foli edhe për klubin aktual, Manchester United, me të cilin deri tash nuk ka arritur marrëveshje për vazhdimin eventual të kontratës.

“Nuk e di nëse e ardhmja ime do të jetë në Manchester United apo në ndonjë klub tjetër. Por, ajo që e dua unë është që të fitoj trofe”, përfundoi ish-futbollisti i Juventusit.

Mesfushorin kreativ krahas PSG-së e duan edhe Real Madridi dhe Juventusi.

Eksperienca e tij e dytë në “Old Trafford” nuk ishte aq pozitive sa pritej. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...