Pas shumë spekulimeve më në fund ka ardhur edhe zyrtarizimi i Paul Pogbas si lojtar i Manchester Unitedit.

Francezi është shprehur i lumtur me transferimin dhe mezi po pret të fillojë punën me Jose Mourinhon.

“Unë jam shumë i lumtur që ribashkohem Unitedit. Ky ka qenë gjithmonë një klub me një vend të veçantë në zemrën time dhe  mezi po pres të punoj me Mourinhon”.

“Kam kaluar momente të mira te Juventus dhe kujtime fantastike me një klub të madh dhe lojtarë që i kam miq. Por, mendoj se kjo është koha e duhur për t’u rikthyer në Old Trafford. Ky është klubi i duhur për të arritur gjithçka”, ka thënë Pogba.

Transferimi i futbollistit nga Juventusi te Manchester United është më i shtrenjti në histori, pasi në arkat e bardhezinjve do të derdhen plot 105 milionë euro, plus pesë milionë Euro bonuse. /Telegrafi/