Paul Pogba e ka pranuar që trajneri i ri i Manchester Unitedit do të ndikojë në vendimin e tij rreth së ardhmes.
Mesfushorit i skadon kontrata me “Djajtë e Kuq” më 30 qershor të këtij viti, shkruan Gazeta Express.
Duke folur për RMC Sport, Pogba u pyet edhe rreth së ardhmes se a mund të ndikojë trajneri i ri i Manchester Unitedit në vendimin e tij.
“Ka mundësi. Ka zgjedhje për të bërë me trajnerin”, u përgjigj Pogba.
Paris Saint-Germain dhe Juventus janë kandidatë për t’i marrë shërbimet e francezit.
Max Allegri tashmë është kthyer te Juventusi, pasi që më herët ka punuar me Pogban, gjatë kohës së mesfushorit në Torino. /Gazeta Express/
