“Pogba dhe Rashford janë të pashitshëm”

PUBLIKUAR

Me Premier Leaguen drejt fundit dhe me merkaton verore në prag, trajneri i Manchester Unitedit, Jose Mourinho ka filluar të bëjë llogaritë për të forcuar organikën në sezonin e ardhshëm.

Në një konferencë për shtyp për mediat angleze, trajneri portugez ka folur fillimisht për çështjen Pogba, që pas disa fërkimeve me Mourinhon, përfundoi në krye të listës së lojtarëve që do të largohen.

Gjithsesi Mourinho ka mohuar totalisht një largim të mundshëm të Pogbasë, ndërsa ka kërkuar nga klubi që edhe Marcus Rashford të hiqet nga merkatoja, pavarësisht hapësirave të pakta në dispozicion këtë sezon.

“Mendoj se Pogba do të qëndrojë te Manchester United edhe për këtë sezon. Nuk ka asnjë problem mes nesh dhe vijojmë të besojmë që ai është lojtari i duhur për të udhëhequr skuadrën drejt suksesit në fushë. Sa i përket Rashford, kam kërkuar që të rrijë në skuadër me çdo kusht. Pavarësisht se këtë sezon ka gjetur më pak hapësira, është një lojtar te i cili besojmë shumë. Mund të luajë edhe si sulmues qendror, por edhe si anësor, ndaj do të ketë hapësira të shumta gjatë sezonit”, deklaroi Mourinho. /Gazeta Express/

 

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...