Mauricio Pochettino ka bërë të ditur se çdo vendim që do të merret për të ardhmen e Kyle Walker, do të jetë nga Tottenhami.
Mbrojtësi anglez, Kyle Walker, mund të largohet gjatë verës nga “White Hart Lane”.
Trajneri i Tottenhamit, Mauricio Pochettino, ka thënë se a do të qëndrojë apo largohet lojtari, varet vetëm nga klubi anglez.
Për lojtarin ka kohë që janë duke u interesuar Manchester City e Bayern Munichu.
“Në fund të sezonit do të vendosim cilët lojtarë do të largohen e cilët do të qëndrojnë”, tha fillimisht Pochetino.
“Walker? Është klubi ai që vendos nëse largohet ose qëndron, sepse unë jam vetëm trajner i Tottenhamit”, shtoi ai.
“Nuk është klubi i Mauricio Pochettinos, kjo duhet të sqarohet. Për tre vite, për çdo lojtarë ka qenë gjithmonë vendimi i klubit”, ka deklaruar më tej Pochetino. /Express/
