Pjesëtarë të disa njësiteve të Armatës së Republikës së Maqedonisë, së bashku me armatat e 23 vendeve të NATO dhe Partneritetit për paqe (PPP) prej sot do ti fillojnë aktivitetet e stërvitjen ndërkombëtare „Anakonda-16“, transmeton Telegrafi Maqedoni.

Stërvitja do të zgjasë deri me 17 qershor dhe do të realizohet në disa lokacione në Republikën e Polonisë.
Stërvitja ndërkombëtare „Anakonda-16“ është në mesin e stërvitjeve më të mëdha të organizuara në Evropë në disa dhjetëvjeçaret e fundit, me pjesëmarrje të 31.000 ushtarëve të armatave të vendeve të NATO dhe PPP.
Armata e Republikës së Maqedonisë do të merr pjesë me 157 ushtarë të çetës së këmbësorisë, një togë e policisë ushtarake, pjesëtarë të regjimentit për operacione të posaçme dhe personel të stafit.