Marko Pjaca është shprehur i lumtur dhe i entuziazmuar që i është bashkuar Juventusit, ndërsa ka shënjestruar titullin e Serie A dhe Kupën e Italisë për sezonin e ri.

Anësori kroat kompletoi kalimin te Zonja e Vjetër nga Dinamo Zagrebi dhe që në intervistën e parë si bianconer tregoi për objektivat e tij.

“Jam shumë i lumtur dhe i entuziazmuar që kam ardhur në një klub kaq të madh. Mezi pres t’i filloj stërvitjet dhe të luaj për këtë skuadër”.

“Shpresoj të fitojmë shumë trofe dhe ky është objektivi, vetëm dua t’ia nis”.“Mendoj se duam ta fitojmë trofeun në ligë dhe në kupë dhe padyshim se duam të shkojmë sa më larg në Ligën e Kampionëve”, është shprehur 21-vjeçari. /Telegrafi/