Andrea Pirlo mund të kthehet te Juventusi në rolin e ambasadorit ose të marrë një rol në përfaqësuesen e Italisë, transmeton zeri.info

Lojtari ka paralajmëruar edhe zyrtarisht pensionimin nga futbolli, pas ndeshjes së tij të fundit me New York Cityn kundër Columbus Crew.

Tani, pritet që Pirlo të kthehet në Itali dhe të pushojë për disa kohë, raporton “La Reppublica”.

Gjithashtu besohet se ekziston një ofertë për Pirlon nga Juventusi, që të bëhet ambasador i klubit. Sidoqoftë, përveç gjigandit torinez, Pirlos i ka bërë një ofertë edhe përfaqësuesja e Italisë, që të jetë me skuadrën në Kupën e Botës “Rusia 2018”, nëse italianët mposhtin Suedinë në “Play-Off”.