Mbrojtësi i Barcelonës, Gerard Pique, ka mbrojtur shakanë e tij me Real Madridin të bërë pas skandalit në Copa del Rey.

Reali rrezikon eliminimin pas inkuadrimit të pa lejuar te Cheryshevit në lojë.

Dhe Pique ka përqeshur klubin madrilen me një postim në Twitter, për të cilin thotë se nuk pendohet.

“Tweeti im? Po shikoja monologun e Leo Harlemit… po bëj shaka. Ju e dini si jam unë, ishte postim për të lëvizur nga drama e krijuar. Ishte qesharake. Unë jam kështu dhe do të jem kështu derisa të pensionohem”.

“Të shohim si mbaron. Jam i sigurt se Cheryshev nuk ndihet mirë dhe unë shpreh përkrahjen time për të”, potencoi Pique. /Telegrafi/