Gerard Pique pajtohet me mendimin e Barcelonës. Ai thotë se nuk mund t’ia bëjnë Real Madridit korridorin e nderit për faktin se ata nuk kanë bërë gara në atë kompeticion.
Vite më parë, Barcelona ia kishte bërë Real Madridit korridorin e nderit pasi edhe matematikisht e kishte fituar La Ligan, por nuk do ta bëjnë këtë pasi Reali fitoi Kupën e Botës për Klube.
Mbrojtësi i Barcelonës, Gerard Pique, është i befasuar me mediat që raportojnë diçka të tillë.
Sipas spanjollit, korridor nderi mund të ishte bërë nëse titulli që ka fituar Reali do të kishte qenë kompeticion që kanë garuar dy skuadrat.
“Klubi e ka dhënë mendimin dhe do të bëjmë çfarë është thënë dhe është e drejtë. Ne nuk kemi bërë gara në atë kompeticion dhe ndryshon me atë që ka ndodhur vite më parë (kur i ka bërë Barça Realit korridorin e nderit). Mediat po bëhen gjithnjë e më të këqija…”, tha Pique. /Gazeta Express/
