Ousmane Dembele, nuk ishte i ftuar në ndeshjen kundër Real Betisit, të cilën e humbi Barcelona 3-4 në “Camp Nou”.
Dembele nuk është ftuar nga Ernesto Valverde pasi mungoi në stërvitje dhe dështoi ta njoftojë klubin për këtë. Barçës i ishte dashur një orë e gjysmë kohë për ta gjetur atë, transmeton Gazeta Express.
“Është një vendim strategjik, mirëpo ne jemi këtu që ta ndihmojmë atë”, ka thënë Pique.
“Ai është i ri dhe ka shumë potencial. Të gjithë kemi qenë të rinj dhe kemi bërë gabime, ne duhet ta ndihmojmë atë, sepse futbolli është një lojë 24-orëshe”.
“Nuk kam dyshim se ai do të rritet, dhe se vendimi i trajnerit do t’i ndihmojë atij”. /Gazeta Express/
