Është bërë përurimi i kryqëzimit të autostradave “Ibrahim Rugova” e “Arbën Xhaferi”. Në këtë ceremoni po marrin pjesë gati i gjithë kabineti qeveritar i prirë nga kryeministri Isa Mustafa ,i cili me këtë rast e përsëriti se zhvillimi ekonomik mbetet prioriteti i qeverisë së tij. Ai tha se do të vazhdojnë me ndërtimin e autostradës për Gjilan më pas për Podujevë si dhe ndërtimin e rrugës së Mitrovicës.

I pranishëm është edhe kryetari i Kuvendit, Kadri Veseli, ai tha se kjo është një vepër e madhe që do t’i lidh gjithë shqiptarët dhe popujt tjerë. Ai tha se nuk do të ketë forcë që do të ndalojë ndërtimin e Kosovës ndërsa falënderoi edhe të gjithë ndërkombëtarët. Kurse ambasadori amerikan tha se investimet e tilla janë ndërtimi i së ardhmes për Kosovën, dhe zhvillimin ekonomik të saj,njofton  Klan Kosova.