Shtime, 14 dhjetor 2014 – Me rastin e 16-vjetorit të rënies heroike të komandantit, Mujë Krasniqi, i njohur me emrin “Kapuçi” dhe 40 bashkëluftëtarëve të tij në Gorozhup të Pashtrikut, sot u vendosën kurora me lule dhe u bënë homazhe në Varrezat e Dëshmorëvc në Polac të Skënderajt. Për të nderuar të rënët, sot ishte ish-ministri i Ministrisë së Infrastrukturës, z. Fehmi Mujota, nënkryetari i Komunës së Shtimes, z. Fatmir Rashiti, kryesuesi i Kuvendit të Komunës, z. Rrahman Jakupi, drejtorë e zyrtarë komunalë, përfaqësues të shoqatave të dala nga lufta e lavdishme e Ushtrisë Çlirimtare të Kosovës, bashkëluftëtarë dhe familjarë të dëshmorëve. Po ashtu, kurora me lule dhe homazhe u bënë pranë dëshmorëve në Belinc të Shtimes si dhe në Varrezat e Dëshmorëve në Kleçkë.
Në mëngjesin e hershëm dhe të acartë të 14 dhjetorit të vitit vitit 1998 kanë rënë në pritën e organizuar nga policia dhe ushtria serbe, në vendin e quajtur “Te Likenet e Hasit” në Gorozhup të Pashtrikut, tetë dëshmorë të komunës së Shtimes: Kadri Ademaj, Fadil Rashiti, Arben Hyseni, Hafir Bajrami, Xheladin Xheladini, Ramadan Elshani, Afrim Musliu dhe Selim Selimi.