Ivan Perisic karrierën pritet që ta vazhdojë në Premierligë.

Ditë më parë, mediat angleze dhe ato italiane kanë raportuar për arritjen e marrëveshjes mes tij dhe Tottenham Hotspurit, transmeton Gazeta Express.

Perisic me Tottenhamin ka rënë dakord për të nënshkruar një kontratë dy-vjeçare.

33-vjeçari te skuadra e drejtuar nga Antonio Conte do të kalojë si lojtar i lirë, pasi kontrata e tij me Interin skadon më 30 qershor.

“TuttoMercatoWeb” ka raportuar këtë të diel se kroati nesër do t’i nënshtrohet testeve mjekësore në Londër, para se t’i bashkohet edhe zyrtarisht Tottenhamit. /Gazeta Express/