Pas gati dy orëve ka përfunduar protesta në fshatin Rudarë të Zvecanit e organizuar për të kundështuar vendimin e Qeverisë së Kosovës për taksën prej 100 për qind, nga ku u dërguan edhe mesazhe për arrestimet e sotshme për rastin Ivanoviq, shkruan Gazeta Express.
Qindra qytetarë u mblodhën edhe në Rudarë, nga ku u dërguan disa mesazhe për taksën dhe arrestimet e sotme në Mitrovicë të Veriut.
Para protestuesve folën kryetari i Mitrovicës së Veriut, Goran Rakiq dhe nënkryetari i Listës Serbe, Igor Simiq.
Rakiq tha se aksioni i policisë së Kosovës ka traumatizuar qytetarët serb, ndërkaq, ka kërkuar që të arrestuarit të lirohen menjëherë.
Në anën tjetër,Simiq është deklaruar se nuk kanë nevojë për qetësi dhe siguri kur nuk kanë bukë për të ngrënë, duke komentuar kështu taksën./Express/
Lexo më shumë në: https://www.gazetaexpress.com/lajme/perfundon-protesta-e-serbeve-ne-rudare-598245/?utm_source=referral&utm_medium=web&utm_campaign=copyright