Nesër mbaron afati për kërkesë të drurit për nxemje, ndërkaq është rritur interesimi, jo vetëm nëpër shtëpi, por edhe te personat juridik – shoqëritë, organiatat, dhe institucionet publike, me të cilat janë nënshkruar rreth 11 mijë marrëveshje, transmeton Telegrafi Maqedoni.

Nga 1 prilli do të shqyrtohen kërkesat e firmave që bëjnë shitjen e drutit për nxemje nga pyjet e Maqedonisë. Nga ”Pyjet e Maqedonisë”, thonë se përparësi do të kenë porositë për shtëpitë, ndërkaq çmimi për metër kub i drunjve është i ngjashëm si vitin e kaluar, pra 2370 denarë për dru ahu dhe 2450 denarë për dru lisi.