Qyteti Ozersk është themeluar në vitin 1946, i fshehur thellë në brendësi të Rusisë në anën lindore të uraleve, i ruajtur nga një gardh me tela gjembor që përfaqëson versionin rus të qytetit të ndaluar.

Sipas të dhënave të vitit 2010, ky qytet ka vetëm 82 mijë banorë. Historia e shkurtër e këtij qyteti, thotë se ai quhet Qyteti numër 40, kurse sipas kodit postar Qyteti numër 65, transmeton Telegrafi.

Gjatë gjithë ekzistencës së vet, ky qytet ishte i izoluar nga bota e jashtme, kurse për ekzistencën e tij dinin vetëm zyrtarët e lartë të ish-regjimit komunist. Banorët e Chelyabinsk, kurrë nuk kanë figuruar në dokumentet zyrtare shtetërore dhe ky qytet nuk figuronte fare në edhe harta.

Që nga fillimi i tij, regjimi i Stalinit i ka besuar këtij qyteti rolin më të rëndësishëm në Bashkimin Sovjetik: rolin e vendlindjes së programit bërthamorë sovjetik.

Gazetarja e të përditshmes angleze The Guardian, Samira Goetsel, ka shkruar një artikull për këtë qytet misterioz.

Në brigjet e liqenit Irtysh, është ndërtuar në fshehtësi të plotë centrali bërthamorë Majdak, me objektet tjera përcjellëse. Dhe kështu është krijuar qyteti, në të cilin janë transportuar punëtorët dhe zyrtarët e shquar të qeverisë për të krijuar bombën bërthamore.

Qyteti ishte fshehtësi aq e madhe, sa që banorët nuk kanë guxuar të largohen gjatë tetë viteve të para, por as të mbajnë kontakt me familjet dhe miqtë e tyre.

Megjithatë, edhe pse varfëria po shkatërronte vendin, banorëve të Chelyabinsk nuk u ka munguar asgjë. Qyteti ka qenë idilik, i përshtatur me male dhe liqene.

Derisa pjesë tjetër e kombit e kanë pasur të kufizuar sasinë e ushqimit për një ditë, në Ozersk ka pasur gjithçka me bollëk: ushqim, rroba të reja, dhe gjëra tjera luksoze, për të cilat pjesa tjetër e njerëzve kanë mundur vetëm të ëndërrojnë, transmeton Telegrafi.

Ata kanë pasur kujdes të mirë shëndetësor, shkolla, stabilitet të vazhdueshëm financiar, dhe një program të pasur me aktivitete kulturore dhe argëtuese.

Në sytë e regjimit, ata kanë qenë “mburoja bërthamore dhe shpëtimtarët e botës”, dhe gjithkush jashtë kufijve të Qytetit numër 40, ka qenë armik.