Humbja nga Southamptoni (1-3) thelloi akoma më shumë krizën te Chelsea, megjithatë Jose Mourinho beson se skuadra e tij do të përfshihet në top-katërshe deri në fund të sezonit.

Portugezi e ka të qartë se të zgjedhurit e tij janë shumë larg për ta mbrojtur titullin, porse mendon se do të luajnë në Ligën e Kampionëve.

“Gjyqtarët po kanë frikë që të marrin vendime në favor të Chelseat”, ka thënë 52-vjeçari pas ndeshjes, porse ka pranuar se skuadra e tij është në një moment të vështirë.

Pyetjes së gazetarëve nëse mund të shkarkohet nga posti, ai iu është përgjigjur në stilin e tij: “Nëse më shkarkojnë mua, shkarkojnë trajnerin më të mirë që ka pasur ndonjëherë ky klub”.

Chelsea ka arkëtuar vetëm tetë pikë nga tetë xhirot e para në Ligën Premier. /Telegrafi/