Kryeministri i Kosovës, Isa Mustafa, nuk është treguar fort i qartë në një adresim në llogarinë e tij në Facebook.

Mustafa në një status në Faebook, ku ka shkruar se një peticioni i ngritur kundër ambasadorit amerikan Greg Delawie është i turpshëm, ka përmendur edhe adresat potenciale të cilat do të dëshironin largimin e prezencës amerikane nga Kosova.

Por në këtë adresim Mustafa ishte enigmatik. Ai nuk ka potencuar emra, por vetëm “gra”, “kullota” dhe “OJQ nacionaliste”.

“Amerika nuk e lëshon (Kosovën) sepse pjesa dërmuese e qytetarëve të Kosovës e duan Amerikën”, ka shkruar Mustafa, njofton Klan Kosova.

“Ata që ‘frikësohem’ se mos po e lëshojnë Kosovën pasi i ka lëshuar mendja, janë disa gra që i kanë kullotë të gjitha fondet e mundshme nga perëndimi, e mos po i braktisin burrat e tyre e po shkojnë në Kore të Veriut (sepse as Kuba nuk i pranon) apo disa OJQ-ista nacionalist ,mos po turren kah lindja”, përfundon shkrimi i Mustafës.

Se kush janë “gratë”, kush ka “kullotur” dhe cilat janë “OJQ-të nacionaliste”, e di vetëm kryeministri.