Pepe Reina sot pritet të kalojë testet mjekësore dhe të nënshkruajë kontratë me Napolin.

Lajmin e ka zbuluar Presidenti i Napolit, Aurelio De Laurentiis, gjatë një interviste për mediat italiane, transmeton Telegrafi.

“Pepe ka një takim me ne, do të shihemi nesër në Romë për testet mjekësore dhe pastaj nëse gjithçka shkon mirë, do të nënshkruajmë kontratë”, ka konfirmuar De Laurentiis për Radio Kiss Kiss.

Pasi kaloi një sezon te Napoli (2013/14) ku bëri 43 paraqitje, spanjolli iu bashkua Bayern Munichut verën e kaluar. Por ai luajti vetëm tre ndeshje me kampionët e Gjermanisë, duke qenë kryesisht mbulesë për porterin e parë Manuel Neuer./Telegrafi/