Menaxheri i Manchester Cityt, Manuel Pellegrini këmbëngul se nuk e ka ndëshkuar Vincent Kompany, por ai la të kuptohet se kapiteni i “qytetarëve”, mund të jetë përsëri jashtë 11-shës së parë për derbin e së dielës kundër Manchester United.
Kompany ka qenë ndër zëvendësuesit në dy ndeshjet e fundit te Manchester Cityt në fitoret mbi Bournemouth dhe Sevilla.
“Unë nuk e kam ndëshkuar Vincent. Unë nuk kam problem në marrëdhëniet e mia me Vincent. Ne kemi nevojë për të zgjedhur njëmbëdhjetë fillestare që janë më te mirë”, tha kiliani në një konferencë për shtyp.
“Është e rëndësishme që ai të punojë disa ditë para se ai të kthehet në ekip”, ka theksuar tekniku kilian. /Telegrafi/
