Partia e Drejtësisë, dega në Lipjan, dënon ashpër sulmin e m’brëmshëm me koktej molotovi kundër objektit të Gjykatës Themelore në Lipjan, ku PD vlerëson këtë veprim si sulm jo vetëm kundër institucioneve komunale por ky është sulm kundër Shtetit të Kosovës e qytetarëve të saj. Kryetari I Degës së PD-së në Lipjan Xhavit Maholli, njëherë asambleist në asamblenë komunale në Lipjan nga radhët e PD-së, konsideron se sulmet e tilla përveç dëmeve materiale, po ngjallin pasiguri te qytetarët Lipjanas, ka njoftuar PD. Ne vlerësojmë se veprimet e tilla janë akte terrori dhe veprime mirë të organizuara me përmasa kriminale e huligane, ku aktorët e rastit duhet të sillen sa më parë para organeve të drejtësisë. Me respekt: Petrit Buja Zyrtar për informim në Degën e Partisë së Drejtësisë në Lipjan, thuhet në njoftim