Policia e Kosovës ka njoftuar se gjatë 24 orëve të fundit ka shqiptuar 1033 tiketa trafiku për kundërvajtësit në komunikacion.

Pavarësisht rregullave të reja të komunikacionit që janë mjaft të ashpra, pjesëmarrësit në trafik megjithatë nuk i respektojnë ato, transmeton Indeksonline.

Ndërsa sa i përket aksidenteve, në këtë periudhë sipas policisë ka ndodhur një aksident me fatalitet, 13 me të lënduar dhe 40 pa lëndime në njerëz.

Kurse ka arrestuar 24 persona dhe ka dërguar 21 të tjerë në mbajtje. /Indeksonline/