Pas Vetëvendosjes, edhe Lista Srpska bëhet parti

PUBLIKUAR

Pas Lëvizjes Vetëvendosje e cila u bë sot parti politike, edhe Lista Srpska sot me vendim të zyrës për regjistrim pranë Komisionit Qendror të Zgjedhjeve (KQZ) zyrtarisht bëhet parti politike.

Lajmin e ka konfirmuar për median serbe “Tanjug” kryetari i saj, Slavko Simiq.

Slavko Simiq ka thënë për median në Serbi se me këtë vendim “i është dhënë fundi paqartësisë së brendshme në Listën Srpska dhe se përpjekjet për ta instumentalizuar atë për ushtrimin e interesave politike shqiptare dhe jo serbe”, transmeton Gazeta Express.

Dimë që Lista Srpska kishte ngrirë punën e saj në institucionet e Kosovës në fillim të muajit tetor të vitit të kaluar, për shkak të miratimit të Ligjit për Trepçën dhe Ligjit për investimet strategjike.

Ministrat serbë të kësaj partie në Qeverinë e Isa Mustafës, Lubomir Mariq (Ministria e Administrimit të Pushtetit Lokal), Dalibor Jevtiq (Ministria për Kthim dhe Komunitete), Branimir Stojanoviq (zëvendëskryeministër i Kosovës), në atë kohë, kishin paralajmëruar se mund të dalin nga Qeveria për shkak të miratimit të Ligjit për “Trepçën”.

Kjo Listë u kthye në Kuvend në mars të këtij viti, pas bojkotit gati 6 muajsh.

Kujtojmë se, tani partia politike më e re e regjistruar edhe në KQZ, kanë qenë dhe vazhdojnë të jenë kundër formimit të Ushtrisë së Kosovës./GazetaExpress/

SHIKO MË SHUMË

‘‘UÇK, UÇK’’, thirrjet e qytetarëve teksa Jakup Krasniqi largohet nga shtëpia pas vizitës në Kosovë

Jakup Krasniqi ka përfunduar vizitën e tij që e zhvilloi sot në Kosovë. Krasniqi qëndroi...

Presidentja reagon pas aktgjykimit të Speciales, ngrit shqetësime për respektimin e të drejtave të palëve

Presidentja Justina Shiroka-Pula ka regauar pas shpalljesa së aktgjykimit e sotëm në Dhomat e...

Verdikti i Hagës, Pacolli thirrje Kurtit: Lëni anash dallimet, bashkohuni në mbrojtje të së vërtetës

Ish-presidenti i Kosovës, Behgjet Pacolli ka shkruar rreth verdiktit të sotëm të Gjykatës Speciale...