Ekipi i njohur belg, Royal Antwerp po vazhdon të përforcohet para ndeshjes së raundit të dytë të Conference Leagues.
Belgët pasi siguruan shërbimet e ish-yllit të Tottenhamit, Toby Alderweireld tani kanë arritur marrëveshje me një tjetër futbollist.
Bëhet fjalë për argjentinasin Gaston Avila, i cili vjen nga Boca Juniors, shkruan Gazeta Express.
Antwerp do t’i paguajë 3 milionë euro Boca Juniorsit dhe 1.5 milion tjera Rosarios për shërbimet e tij.
Të enjten, Antwerpi përballet me Dritën në Belgjikë, kurse një javë më vonë zhvillohet ndeshja e kthimit në stadiumin “Fadil Vokrri”. /Gazeta Express/
