Kanë kaluar 98 ditë kur Real Madridi u shpall kampion i Spanjës në “La Rosaleda”, me 21 maj.
Që kur Real Madridi fitoi titullin në Spanjë, 21 maj, kanë ndodhur shumë gjëra.
“Los Blancos” kanë triumfuar në Superkupën e Evropës, Superkupën e Spanjës, por trofeun e kampionit të Spanjës ende nuk e kanë ngritur në qiell.
Trofeun që fituan vitin e kaluar, do ta ngritin në qiell këtë vikend në ndeshjen me Valencian, ku Presidenti i Federatës do t’ia dhurojë dy kapitenëve, Ramosit e Marcelos.
Trofeun që fituan vitin e kaluar, nuk do të jenë në gjendje ta shijojnë, James, Morata, Pepe ose edhe Coentrao, që u larguan gjatë verës.
Theo, Ceballos, Llorente, Vallejo si dhe Achraf, mund të jenë në fotografinë e kampionit, por që nuk ishin pjesë e ekipit të Los Blancos sezonin e kaluar.
Edhe lojtarët kishin mbetur të habitur në fund të sezonit që nuk e kishin trofeun për të festuar (Cristiano, Modric, Bale), teksa një veprim i tillë nga Federata Spanjolle është kritikuar shumë në Spanjë dhe nga sezoni i ardhshëm pritet të ndryshojë gjithçka ku kampioni do të festojë me trofeun menjëherë pas shpalljes kampion. /Gazeta Express/
