Skuadra greke PAOK, i ka ofruar kontratë të re mesfushorit të Kombëtares së Shqipërisë, Ergys Kaçe.
Paraqitja e Shqipërisë në Evropian do të jetë një reklamë e shkëlqyeshme për futbollistët e Kombëtares, në mënyrë që të bien në sy të ekipeve të njohura me lojën e tyre.
Këtë gjë e ka menduar edhe klubi i PAOK-ut, që i ka ofruar renovim të kontratës Ergys Kaçes, të cilit i skadon kontratë në vitin 2017.
Skuadra greke dëshiron të përfitojë pesë milionë euro për futbollistin, mirëpo problemi kryesor me kontratën e re është paga e futbollistit, pasi agjenti i Kaçes kërkon pagë më të lartë. /Telegrafi/