Paniku nga pacienti i parë me HIV në Kosovë, si u dogj dhoma e tij në Infektivë pasi ai vdiq

PUBLIKUAR

Më 1 dhjetor, shënohet Dita Botërore e HIV/AIDS-it, ditë kjo që i kushtohet edukimit për virusin dhe sëmundjen në fjalë.

Në Kosovë, gjatë këtij viti, janë evidentuar tetë raste të reja, njëjtë sikurse në atë të kaluarin, derisa janë mbi 40 persona që monitorohen nga Klinika Infektive.

E në këtë të fundit, paniku kishte qenë i lartë më 1986. Në këtë vit, ishte shtruar pacienti i parë me këtë sëmundje.

Kjo u bë e ditur dhe u konfirmua vetëm kur mostra për analizë u dërgua në kryeqytetin kroat, ngase në Prishtinë nuk bëhej një gjë e tillë.

Infektologu Ilir Tolaj, që në atë botë ishte mjek-specializant në këtë lëmi, rrëfen për televizionin, panikun e asaj kohe nga personeli joshëndetësor.

“E thirrëm fotografin e QKUK-së të asaj kohe që ta fotografonte ndryshimin që iu kishte shfaqur në gojë pacientit. Ai donte ta fotografonte nga dera, korridori, që ishte e pamundur të bëhej”, ka treguar Tolaj për KlanKosova.

Por, këtu nuk përfundoi stigma. Pas vdekjes së këtij pacienti, i gjithë inventari i dhomës së tij u dogj dhe dhoma u dezinfektua.

Tolaj shpjegon se pak a shumë, këso frike e panik pati edhe në fillim të pandemisë COVID-19, derisa u mësua më shumë rreth këtij virusi.

SHIKO MË SHUMË

QKUK paralajmëron rrënimin e objekteve pa leje në oborrin e saj: Hapësirat e uzurpuara me vite po u kthehen qytetarëve

Qendra Klinike Universitare e Kosovës ka paralajmëruar rrënimin e objekteve pa leje në oborrin...

Nën kërcënimin e thikës i mori 7660 euro punonjëses, aktakuzë ndaj një personi në Gjakovë

Prokuroria Themelore në Gjakovë ka ngritur aktakuzë ndaj të pandehurit me inicialet Ç.Zh. për...

Dëmet nga erërat e forta pezullojnë mësimin në gjimnazin e Ferizajt

Mësimi është pezulluar sot në Gjimnazin “Dr. Shaban Hashani” në Ferizaj, për shkak të...