07 tetor 2014- Komuna e Lipjanit, në bashkëpunim me organizatën “ Human Appeal Int”, sot kanë shpërndarë nga një pako me veshmbathje për secilin nxënës të shkollës, SHFMU, “ Shtjefën Gjeçovi” në Janjevë. I pranishëm në këtë aksion bamirës ishte edhe vet kreu komunal, Imri Ahmeti, i cili shpërndau veshmbathje,si dhe ndau gëzimin e më shumë se 600 nxënëse në këtë shkollë.

Ahmeti po ashtu, falënderoi organizatën “ Human Appeal Int” për interesimin, si dhe i siguroi ata se komuna e Lipjanit do t’i ketë çdo herë dyert e hapura, për çfarëdo lloji ndihme, që mund t’iu bëhet nxënësve.