Lideri i Aleancës Kosova e Re, Behgjet Pacolli thotë se Qeveria e Kosovës po vazhdon të punojë pa program qeverisës.

Pacolli thotë se qeverisë së re i mungon përvoja dhe guximi për të vepruar. Madje ai thotë se kjo qeveri deri më tani nuk ka bërë asgjë tjetër përveç “akomodimit të partiakëve”.

Lexojeni të plotë postimin e Pacollit në Facebook:

“Qeveria e Kosovës vazhdon të punojë pa program qeverisës. Madje, paralajmëron që do të përpilojë një program vetëm pas 6 muajve.
Si duket qytetarët e Kosovës paguajnë nga xhepi i tyre një qeveri pasive që deri tani nuk ka berë asgjë dhe me siguri nuk do të ben asgjë edhe në të ardhmën.
Kjo Qeveri ka probleme tjera si psh: akomodimin e partiakëve dhe sinkronizimin e punëve në mes të partnerëve të koalicionit. Kësaj Qeverie i mungon përvoja, kreativiteti e pragmatizmi dhe mbi të gjitha guximi për të vepruar” (sic), ka shkruar Pacolli në Facebook. /Telegrafi/