Biznesmeni kosovar dhe lideri i AKR-së, Behgjet Pacolli, në postimet e tij në Facebook po shfaq nostalgjinë për rininë e tij.

Pas publikimit të një fotografie të viteve studentore, teksa ka pranuar se në Prishtinë e përqeshnin për standardin e tij, multimilioneri nga Mareci tash ka postuar një fotografi tjetër, që e ka shoqëruar me një përshkrim me tone nostalgjie.

Postimi i plotë i Pacollit:

“Amanetet e babait tim të ndjerë ishin të qarta. Kur kreva shkollën e mesme: ‘Eja në Marec, se atje mungojnë mësuesit’. Dhe sa isha jashtë Kosovës thoshte gjithmonë: ‘Kthehu, bir, në vendin tënd dhe ndihmoje popullin’. Unë besoj, që një ditë, e keqja në Kosovë do të zhduket, dhe do të zëvendësohet me mirëqenie për të gjithë. Unë nuk do të ndalem në këtë drejtim…”, ka shkruar Pacolli.