Mesfushori i Arsenalit, Mesut Ozil, nuk është i njohur si tip agresiv, mirëpo duket se dikush e ka nevrikosur shumë.

Gjatë hyrjes në tunel pas pjesës së parë në ndeshjen kundër Norwich Cityt, ai është kapur nga kamera duke i sharë mbrojtësit e asaj skuadre.

Është fjala për ndeshjen e zhvilluar në muajin nëntor, transmeton Telegrafi.

Në atë ndeshje, gjermani shënoi gol pas gjysmë ore lojë, ndërsa Lewis Grabban barazoi në minutën e 43-të dhe skuadrat shkuan në pushim me shifra identike.

Edhe pas pauzës, Arsenali nuk arriti të shënojë gol tjetër dhe u desh të pajtohej me barazimin. /Telegrafi/