Mesfushori i Chelseat, Oscar, ka nxitur spekulime se do ta vazhdojë karrierën te Juventusi, pasi ka pëlqyer një postim në Instagram, ku thuhej se ai do të kalojë te Zonja e Vjetër.

Braziliani është duke u kërkuar nga Bianconerët qe një kohë, ndërsa një faqe e fansave të tij ka shkruar se ai do të shkojë në Serie A.

Për të shtuar thashethemet, vet lojtari ia ka bërë ‘like’ postimit.

Ndryshe, 24-vjeçari luan te Blutë që nga viti 2012 kur u transferua nga Internacionali. /Telegrafi/