Komandanti i Gardës Kombëtare të Iowas, Timothy Orr, ka thënë se ky shtet nuk ka partner më të mirë sesa Kosovën, shkruan sot gazeta “Zëri“.
Komandanti i Gardës Kombëtare të Iowas, gjeneralmajor Timothy Orr, i cili po qëndron për një vizitë në Kosovë ka thënë se Kosova është partneri më i miri që ka Iowa dhe SHBA-ja e kjo e tëra falë popullit të Kosovës.
“Nuk kemi gjetur partneritet më të mirë sesa Kosovën dhe popullin e saj”, ka deklaruar ai gjatë ditës së djeshme. Duke folur për raportet e mira ndërmjet dy vendeve, Orr ka thënë se janë në pritje të nënshkrimit të dy marrëveshjeve mes Kosovës dhe Iowas.
Kryeministri i Kosovës Ramush Haradinaj ka pritur në takim komandantin e Gardës Kombëtare të Iowas, gjeneralmajor Timothy Orr, me të cilin u shprehën të gatshëm që t’i vazhdojnë marrëdhëniet bilaterale dhe miqësinë e mirë…