Partnerët qeverisës nuk janë treguar të koordinuar në veprime pas shkuarjes së ish kryetarit të PDK-së, Hashim Thaçi në Presidencë.

Në mungesë edhe të ushtruesit të detyrës së kryetarit të PDK-së, Kadri Veseli i cili së voni pati vizitë zyrtare në Gjermani,dy partitë e mëdha në qeverisje PDK e LDK kanë shpërfaqur tendenca të këmbëngulësisë në qëndrime të kundërta.

Kjo më së miri u argumentua në seancën e fundit të Kuvendit kur edhe dështoi propozimi i Qeverisë për të emëruar anëtarët në Organin Shqyrtues të Prokurimit.

Vet ministri i Drejtësisë, Hajredin Kuçi, pranon se partnerët e koalicionit duhet të jenë më të kujdesshëm pasi janë koalicion i madh dhe duhet të jenë të koordinuar në veprime.