Opozita konfirmon pjesëmarrjen në takim me Mogherinin

PUBLIKUAR

Gjatë ditës së nesërme, përfaqësuesja e Bashkimit Evropian për Politikë të Jashtme, Federica Mogherini do të vizitojë Kosovën.

Gjatë vizitës, ajo do të takohet me autoritetet shtetërore dhe politike duke përfshirë presidentin Hashim Thaçi, kryetarin e Kuvendit, Kadri Veseli, kryeministri, Isa Musta, si dhe udhëheqësit e partive politike parlamentare.

E, ftesën për këtë takim e kanë pranuar edhe partitë opozitare të vendit: Aleanca për Ardhmërinë e Kosovës, Lëvizja Vetëvendosje dhe Nisma për Kosovën.

Anëtari i Kryesisë së AAK-së, Muharrem Nitaj, në një prononcim për Telegrafin ka konfirmuar pjesëmarrjen e tyre në këtë takim.

Të njëjtën ftesë e kanë pranuar edhe LVV dhe Nisma për Kosovën.

Deputetja Valdete Bajrami, ka thënë se kryetari i Këshillit Kombëtare të Nismës, Jakup Krasniqi, do të marrë pjesë në këtë takim.

Po ashtu edhe Frashër Krasniqi, zëdhënës i Lëvizjes Vetëvendosje ka konfirmuar pjesëmarrjen e tyre në këtë takim.

Takimi do të mbahet nesër në zyrat e BE-së në Kosovë – EULEX-it, në orën 11:00 me partitë politike.

SHIKO MË SHUMË

Moti për javën e ardhshme, e hëna nis me vranësira dhe shi

Instituti Hidrometeorologjik ka dhënë detaje mbi parashikimin e motit për javën e ardhshme në...

Operacion i madh policor në Prishtinë: Gjashtë persona në pranga, sekuestrohen mbi 300 mijë euro asete

Policia e Kosovës ka njoftuar se më 14 nëntor 2026 ka realizuar një operacion...

Më 17 nëntor shpallet aktgjykimi ndaj Thaçit dhe të tjerëve, për rastin e administrimit të drejtësisë

Të martën e 17 nëntorit, me fillim nga ora 10:00, do të mbahet seanca...