PDK-ja, Dega e Lipjanit, ka kërkuar të mërkurën hetim emergjent nga Kuvendi i kësaj komune lidhur me pranimin e kandidatëve për regjistrimin e bujqësisë në këtë komunë.
PDK-ja, si bartëse e opozitës në Lipjan njëherësh ka akuzuar ekzekutivin e Lipjanit në krye me Imri Ahmetin se ka pranuar kandidatë militantë, anëtarë dhe simpatizues të partive në pushtet.
“PDK-ja kërkon hetime urgjente për këtë punë, pasi vlerëson se ekzekutivi i Komunës së Lipjanit ka bërë skandalin e radhës lidhur me pranimin e kandidatëve për regjistrimin e bujqësisë në këtë komunë. Me këtë rast militantët, anëtarët dhe simpatizuesit e partive në pushtet u rehatuan në listën përzgjedhëse, duke përjashtuar kandidatët me kualifikime adekuate nga kjo fushë.
Kuvendi i Lipjanit duhet të formojë një komision hetimor për shkeljet e bëra në përzgjedhjen kandiduese me motive politike dhe familjare”, ka thënë Lulzim Rrustemi, nënkryetar i PDK-së, Dega e Lipjanit. (Në gjerësisht sot në Koha Ditore)
