Lideri i lëvizjes Vetëvendosje, Visar Ymeri e ka shpallur të përfunduar protestën e opozitës, të filluar në ora 14:00, ndërsa paralajmëroi se protesta e radhës do të jetë më 27 shkurt.

Ai tha se para 8 vjetësh, po në këtë shesh, mijëra qytetarë ishin mbledhur për të pritur formimin e Republikës.

Ymeri tha se nuk mund të ketë normalitet në institucione e zgjedhje të presidentit, kur populli insiston që kjo qeveri duhet të jep dorëheqje.

Edhe lideri i AAK-së, Ramush Haradinaj dhe ai i Nismës për Kosovën, Fatmir Limaj kanë kërkuar dorëheqjen e Qeverisë, duke thënë se kjo Qeveri nuk ka legjitimitet për të udhëhequr vendin.

Ata theksuan se si pasojë e kësaj Qeverie, shteti ka filluar ta humb dinjitetin dhe respektin.  Ata po ashtu kërkuan shpalljen e zgjedhjeve të reja. /Telegrafi/