Raportimet në Argjentinë pohojnë se e vetmja ofertë formale në tryezë për Paulo Dybala është nga Roma, pasi Interi dhe Milani nuk e konsiderojnë atë si prioritet.

La Joya është një lojtar i lirë pasi Juventusi nuk vendosi të rinovonte me të, transmeton Gazeta Express.

Ai kishte qenë në prag të bashkimit me Interin, por marrëveshja për të rikthyer Romelu Lukakun nga Chelsea në huazim e bëri atë të heqë dorë.

Milani mbetet i interesuar, por TyC Sport raporton se tashmë ka vetëm një ofertë zyrtare për agjentët e Dybalas dhe ajo është nga Roma.

Kjo do të vlente 6 milionë euro në sezon, shifra që ai kishte kërkuar dhe që Interi nuk ishte i përgatitur ta paguante pa bonuse.

Giallorossi nuk janë në Ligën e Kampionëve, as nuk konsiderohen pretendentë për Scudetto, por ata kanë ambicie dhe trajnerin Jose Mourinho, duke fituar Ligën e Konferencës në sezonin e tij debutues.

Ardhja e Dybalas mund të lejojë gjithashtu shitjen e Nicolò Zaniolos në Juventus.

/Gazeta Express/