Organizatat e dala nga Lufta e UÇK-së, në Lipjan përmes një njoftimi kanë bërë thirrje për protestë që organizohet të shtunën në Prishtinë në mbështetje të komandantit Ramush Haradinaj, transmeton LipjaniNews.com

“Veteranë të nderuar të OVL- së së UÇK-së dega në Lipjan, ju njoftoj se nën organizimin e tri Shoqatave të dala nga Lufta e UÇK -së qendër, në Prishtinë, të shtunën në ora 13:00 në Prishtinë, do të mbahet Protestë gjithëpopullore me rastin e arrestimit të ish Keyeministrit z. Ramush Haradinaj”, thuhet në njoftim.

Që nga ndalimi i Haradinajt nga autoritetet e Francës më 4 janar, në Kosovë dhe në shumë vende tjera, janë mbajtur protesta më kërkesë të lirimit të ish-kryeministrit të Kosovës.

“Nisja prej Lipjanit bëhet në mënyr organizative me autobus, në orën 11:30 nga shtëpia e kulturës. Presim një përkrahje sa më masive. Me respekt kryetari i OVL-së të UÇK-së dega në Lipjan Ali Mejzinolli”, thuhet më tej./LipjaniNews.com/