Jurgen Klopp beson se është shumë afër që ta shohë më të mirën nga Naby Keita pasi mesfushori shkëlqeu në fitoren e së shtunës ndaj Bournemouthit në Premierligë, transmeton zeri.info
Keita realizoi një gol dhe një asistim në triumfin 3:0 të “të kuqve” në “Vitality Stadium”.
Ka qenë një edicion acarues deri më tani për ish-lojtarin e Leipzigut, i cili ka realizuar vetëm pesë ndeshje si titullar dhe katër si zëvendësues për liderin e Premierligës. “Kur e shihni një lojtar të tillë, ju pyesni se pse ai nuk po luan një javë po, një javë jo?”, u shpreh Klopp.
“Naby pati lëndime dhe pastaj ekipi ishte në një formë shumë të mirë, kështu që a bëhen ndryshime? Nëse dëshironi të ndryshoni, ne nuk jemi duke fluturuar. Nuk është sikur ne i kemi fituar të gjitha ndeshjet katër apo pesë me zero, kështu që na është dashur ta sillnim një lojtar që do ta ndihmonte në anën mbrojtëse dhe këto gjëra”, shtoi strategu gjerman.
“Naby nuk ka luajtur. E kuptoj këtë. Unë nuk kam pasur kurrë dyshime në të dhe ai ka ndihmuar shumë (të shtunën)”, tha ai./Zëri