Sulmuesi i Juventusit, Carlos Tevez, beson se përballjen mes skuadrës së tij dhe Real Madridit do ta fitojë ekipi që bën më së paku gabime.
Të martën mbrëma në Torino zhvillohet dueli i parë gjysmëfinal i Ligës së Kampionëve mes dy rivalëve të vjetër në skenën evropiane.
“Do të jetë një gjysmëfinale e vështirë, e hapur dhe me luftë të madhe. Nuk ka favorit, skuadra që bën më së paku gabime do të fitojë”.
“Këtu, unë kam besimin e trajnerit dhe bashkëlojtarëve të mi. Ata më bëjnë të ndihem i rëndësishëm”.
“Sekreti i madh te Juventusi është mentaliteti grupor, kjo na ka sjellë suksesin që kemi pasur”, u ka thënë Tevez gazetarëve. /Telegrafi/
